.jpg)
O vindeiro 2 de abril conmemórase o Día Internacional do Libro Infantil, coincidindo coa data de nacemento de Hans Christian Andersen, autor de contos infantís populares e coñecidos en todo o mundo.
O obxectivo desta data é promover a lectura e despertar o interese polo libros de xeito creativo. Sen esquecer o papel fundamental que os libros teñen no desenvolvemento intelectual e creativo das/dos nenas/nenos, contribuíndo a aumentar o seu vocabulario, promovendo a súa imaxinación, creatividade e capacidade de soñar.
Por iso, dende a Biblioteca, Burguiña ten para vos unha proposta de actividade. Está desexando saber cal é o voso libro favorito e quere que lle mandedes ao seu correo, as vosas fotos con él, ensinando ben a portada. Tendes ata o mércores día 30 de marzo de prazo para facelo.
O correo de Burguiña é: biblioteca.riadoburgo@gmail.com
As fotos serán publicadas na Web da Biblioteca para conmemorar o Día Internacional do Libro Infantil.
¡Agardo con ilusión as vosas fotos!
¡Ata pronto!
Burguiña
Comments