Na fase de investigación buscaron libros na Biblioteca e tamén información sobre a artista no ordenador, tamén viron na clase vídeos sobre a vida e a obra de Yayoi Kusama
Leron detidamente o libro que atoparon na Biblioteca, procurando comprender a súa vida e obra.
No Google Earth e no Google Maps buscaron Xapón, o país onde naceu Yayoi Kusama e onde reside actualmente.
Na fase de elaboración fixeron tarefas en papel sobre a vida e obra da autora.
Inventaron coa figura favorita da artista múltiples posibilidades artísticas.
Decoraron a porta das aulas con temática alusiva á artista xaponesa polo Entroido.
Aprenderon cousiñas sobre a cultura xaponesa e inventaron bandeiras modelando plastilina, partindo da bandeira de Xapón.
Fixeron esculturas inspiradas no estilo de Yayoi Kusama.
Aprenderon palabras en xaponés e debuxáronas.
Pola semana da prensa buscaron anuncios publicitarios nos que aparecerse a artista a traballar e fixeron a súa propia versión do anuncio publicitario.
Elaboraron unha instalación artística inspirada en Yayoi Kusama.
Na fase de difusión:
Elaboraron un libriño con todo o que aprenderon e organizaron unha exposición sobre a súa visión da obra da artista.
O alumnado das distintas clases do colexio visitaron a exposición, contáronlles o que sabían da súa artista favorita e fixeron moitas fotiños para lembrar a súa primeira exposición.
¡Ata pronto!
Comments