Na fase de investigación o alumnado de 1° curso de Educación Primaria investigou sobre a reciclaxe e as 3 R:
- Residuos que xeramos de forma cotiá.
- Que podemos facer con eses residuos: reutilizar
- Como o podemos aplicar na arte
- A importancia de reducir os residuos que xeramos.
Para levar a cabo esta investigación acudiron á biblioteca e buscaron a información necesaria empregando para iso as tablets e libros. Despois, recolleron de xeito escrito os datos que lles interesaban de todo o atopado.
Unha vez rematada a fase de investigación, na fase de elaboración, decidiron realizar cadros empregando material de refugallo procedente das súas casas.
Na fase de difusión, para amosar o seu traballo ao resto do colexio, decidiron expoñer os seus cadros na biblioteca e repartiron invitacións por todas as aulas.
A exposición estivo xenial, recibiron moitas visitas e foi un éxito.
¡Ata pronto!
Comments